Wo chand ki roshni me akele baithna mera..

Wo chand ki roshni me akele baithna mera;

Wo thandi hawawon ka chu jana;

Ek ehsas man me jaga jana;

Akele nahi hum chand bhi to akela hai;

Par lakho taron ne usko ghera hai;

Hum to tanaha hi hai bas usko dekhte hai;

Wo chand ka badali me chup jana;

Jaise mujhko tanaha chod jana;

Dono karte baten phir bhi tanaha lagana;

Phir tanaha beithe ye sochna;

Tum aaoge meri zindagi me;

Dono beithege is chand ki roshni me;

Kuch palon me hi kat jati hain raten;

Sapne bunte-bunte ho jati hain subahen;

Phir akele rah jate hain bas umeed banaye;

Phir aayega wo chand phir dikhayega sapne;

Par apne jate hi sapno ko bhi saath le jaye;

Wo hawaon ka jhoka jaise kah rahe hain;

Hum hai tere saath tu kyo iske saath rahe;

Unke aane se lagta hai mano sandesha laye;

Ye bhi khali aaye bas ehsas man me jagaye;

Chand hawaye koi na saath deta zindagi me;

Sapne sabhi dikhate hai par koi na inko kare pure;

Tum agar hote hamare pas to ye rahte na adhure;

Tumhare bare me hi to ye mera man hardam soche;

Tum kya jano is chand ne bhi kitne dhokhe diye;

Kitni hi baar tumhari tarah humko tanaha chode;

Wo chand……………………………………………………………..